IPKO është ofruesi i parë i internetit në vend, dhe njihet si lider i teknologjisë informative dhe internetit në Kosovë. Kompania sot ofron internetin më të shpejtë broadband në treg, duke i dhënë konsumatorëve të saj qasje kualitative dhe shpejtësi në internet që nga viti 1999 si rezultat i ofrimit të rrjetit backbone për herë të parë në Kosovë . 
 
Shërbimi i internetit tani ofrohet në të gjitha qytetet dhe qytezat e Republikës së Kosovës, ku kompania IPKO ka ndërtuar mbi 230 mijë porte, që mundësojnë kyçjen e po këtij numri të familjeve kosovare në shërbimet e internetit, telefonisë fikse dhe të televizionit digjital. 

Me këtë shtrirje të gjerë me të gjitha shërbimet bashkëkohore të telekomunikimit, kompania IPKO e pozicionon shtetin e Kosovës si vend modern, ku shkalla e lartë e depërtimit dhe përdorimit të internetit mbetet tregues i fuqishëm social. 
 
Me përfundimin e projektit për televizionin digjital, kompania IPKO e ka kompletuar ofertën e Trefishtë (Triple-Play), që përfshinë internetin, telefoninë fikse dhe Televizionin Digjital. IPKO mbetet ofruesi i parë dhe më i madh i shërbimeve të internetit në vend.