Në prezantimin e tij, Ministri Stavileci tha se drejtimi strategjik të cilin po e ndjek Ministria e Zhvillimit Ekonomik ka për qëllim kryesor rritjen ekonomike e cila do ta ndryshojë ritmin e ekonomisë kosovare, duke kontribuar në zhdukjen e varfërisë, papunësisë dhe krijimin e mundësive të reja që gjenerojnë punësim, por edhe zhvillim të sektorëve të rinj në ekonomi që ndikojnë në punësim, por edhe nxisin konkurrueshmëri me tregjet rajonale.

Në prezantimin drejtorit të kompanisë IPKO, Robert Erzin u tha se IPKO ka rol dhe ndikim të rëndësishëm në ekonominë e Kosovës, sepse përveç 270 milionë eurove të investuara në Kosovë dhe qindra vendeve të punës që ajo ka krijuar, kompania telekomunikuese të gjitha fitimet e saj i ka rikthyer në vend, për krijimin e infrastrukturës moderne e cila mundëson edhe zhvillimin e sektorit privat.

Pas prezantimit të pozitës së IPKO në treg, Erzin ka prezantuar edhe shkallën e lartë të depërtimit dhe përdorimit të internetit në Kosovë, si dhe ka prezantuar edhe infrastrukturën e rrjetit mobil IPKO, duke thënë se brenda javëve në vazhdim IPKO do të jetë në gjitha qendrat e Kosovës me rrjetin 4G, krahas zgjerimit të mëtutjeshëm të infrastrukturës së përgjithshme.

Erzin tha se aktualisht IPKO posedon rreth 320.000 porte të rrjetit fiks, që nënkupton se poaq familje kosovare mund të lidhen me internet dhe televizion digjital kabllor nga IPKO.

Në takim u tha se ndër sfidat kryesore me të cilat përballet IPKO në tregun kosovar janë mungesa e resurseve frekuencore në telefoninë mobile, ku u kërkua trajtim i barabartë për të gjithë operatorët mobil në Kosovë, operatorët ilegal të televizionit kabllor, operatorët legal por me përmbajtje ilegale, mos-respektimi i të drejtave të autorit, si dhe mangësitë në procesin e digjitalizimit.

The post MINISTRI STAVILECI NË IPKO: TEKNOLOGJIA INFORMATIVE, SHTYLLË E RËNDËSISHME E ZHVILLIMIT EKONOMIK appeared first on Ipko.

“Me një pako të vetme të internetit në mobil që vlen për katër shtete, IPKO i ka eliminuar kufijtë për përdoruesit e saj, të cilët tani do të jenë të lidhur me internet të shpejtë në mobil kudo që ata janë – në Kosovë, Shqipëri, Maqedoni apo Mal të Zi” ka thënë Robert Erzin, drejtor ekzekutiv në IPKO.

Për të gjithë ata që Shqipërinë, Maqedoninë dhe Malin e Zi e vizitojnë për punë apo për vizitë të shkurtë një-ditore, IPKO ka krijuar pakon ditore për 24 orë internet, që ofron 150 megabajt, dhe mund të përdoret në cilindo nga katër shtetet. Aktivizimi i pakos ditore bëhet duke thirrur kodin*478*1#.

Ndërsa për të gjithë përdoruesit e saj të cilët i vizitojnë tri vendet fqinje për periudha më të gjata kohore, IPKO e ka krijuar pakon një javore për internet të pandëprerë mobil që ofron 500 megabajt, dhe mund të aktivizohet duke thirrur kodin *478*2#.

Pakoja më e madhe e internetit në mobil për Shqipëri, Maqedoni dhe Mal të Zi është pakoja mujore që ofron aq shumë sa 2GB internet për një muaj, dhe mund të aktivizohet duke thirrur kodin *478*3#.

Në Shqipëri, përdoruesit e IPKO-së duhet zgjedhur operatorin Eagle, në Maqedoni operatorin One, ndërsa në Mal të Zi duhet zgjedhur operatorin mobil – m:tel. Pakoja e njëjtë e internetit për katër shtete mund të aktivizohet nga të gjithë përdoruesit e IPKO-së, duke përfshirë edhe bizneset.

IPKO njihet si operatori i parë mobil, sa i përket çmimeve të volitshme, kualitetit të shërbimeve, stabilitetit dhe mbulueshmërisë së rrjetit të telefonisë mobile në Kosovë, ndërsa mbetet operatori i parë më i madh me rrjetin 3G, dhe i pari që e ofron rrjetin 4G në Kosovë.

The post IPKO HEQ KUFIJTË: NJË PAKO E VETME E INTERNETIT MOBIL PËR KOSOVË, SHQIPËRI, MAQEDONI DHE MAL TË ZI appeared first on Ipko.

Prishtinë, 21 prill 2015 – Telefonia mobile IPKO ka njoftuar se prej sot do ta ofrojë një pako të re kushtuar bizneseve të vogla dhe atyre familjare. Pakoja e re e quajtur MIX mundëson lidhjen e deri 5 numrave në rreth dhe komunikimin e tyre pa pagesë.

“Me këtë pako unike kushtuar bizneseve të vogla dhe familjeve, IPKO synon që të mundësojë komunikim të volitshëm dhe të pandërprerë mes anëtarëve të familjes dhe bizneseve të vogla, 24 orë në ditë dhe në 7 ditë të javës. Ne duam t’ua mundësojmë anëtarëve të familjes që në çdo kohë të jenë në kontakt me njëri-tjetrin, si dhe ta lehtësojmë avancimin e bizneseve të vogla përmes bisedave pa pagesë me stafin e tyre” ka thënë Robert Erzin, drejtor ekzekutiv në IPKO.

Për ta aktivizuar pakon, çdo person privat apo pronar i biznesit mund të abonohet në ndonjërën nga pakot postpaid, përkatësisht pakot S,M, ose L, të cilat aktualisht ofrohen me 50 për qind zbritje.

Numrat tjerë gjithashtu mund ta aktivizojnë ndonjërën nga pakot mujore për të komunikuar tërësisht pa pagesë mes vete. Shtuarja e një numri postpaid si anëtar i rrethit mund të bëhet pa pagesë.

Numrat me parapagim gjithashtu mund të shtohen në pako, të cilët më pas përdoruesi i pakos Mix mund t’i regjistrojë si anëtarë dhe biznesit apo familjes, dhe për të cilët i njëjti ngarkohet me 2 euro pagesë mujore, shumë e cila nga anëtarët e rrethit menjëherë mund të përdoret si mbushje për thirrjet dhe SMS-të në rrjetin mobil IPKO.

Më tej, për përdoruesit të cilët nënshkruajnë kontratë 24 mujore në pakon Mix, IPKO ofron një kupon me zbritje, i cili mund të përdoret për ta blerë ndonjërin nga telefonat e mençur në dyqanet e IPKO.

Në pakon postpaid S ofrohen 300 minuta, 300 SMS dhe 1300 megabajt, ndërsa pakoja M ofron 500 minuta, 500 SMS dhe 1500 megabajt. Pakoja më e madhe është L me 1000 minuta, 1000 SMS dhe 2000 megabajt. Minutat dhe SMS-të mund të përdoren me të gjithë operatorët në Kosovë.

IPKO njihet si operatori i parë mobil, sa i përket çmimeve të volitshme, kualitetit të shërbimeve, stabilitetit dhe mbulueshmërisë së rrjetit të telefonisë mobile në Kosovë, ndërsa mbetet operatori i parë më i madh me rrjetin 3G, dhe i vetmi që e ofron rrjetin 4G në Kosovë.

The post IPKO: FOL PA PARE ME FAMILJEN DHE BIZNESIN TËND appeared first on Ipko.

IPKO sot i ka prezantuar rezultatet financiare për tremujorin e fundit të vitit 2014. Dhe kur të njëjtat krahasohen me periudhën e njëjtë të vitit të kaluar, në tremujorin e katërt të 2014 kompania ka marrë 2.5 për qind më shumë pjesëmarrje në tregun mobil, për ta arritur totalin prej 36.2 për qind të tregut të telefonisë mobile, 13.6 për qind rritje të tregut të internetit, ndërsa ka mbajtur pozitën e udhëheqësit të tregut në televizionin kabllor digjital.

Deri në fund të 2014, IPKO ka gjeneruar 69.5 milionë euro në të ardhura, 43.4 milionë euro në shpenzime, EBITDA prej 26.1 milionë euro, EBIT prej 7.1 milionë euro dhe investime kapitale vjetore prej 13.9 milionë euro. Investimet e përgjithshme kapitale të kompanisë në ekonominë e Kosovës që nga viti 2007 e deri më sot kanë arritur në 267.7 milionë euro.

“Viti 2014 ka qenë vazhdimësi e rritjes së kompanisë sa i përket numrit të përdoruesve, pjesëmarrjeve në treg, produkteve dhe shërbimeve, teknologjive të reja për përdoruesit, dhe kënaqësisë konsumatore dhe lojalitetit të tyre. Përkundër shumë sfidave me të cilat jemi përballur, ne jemi krenar për të arriturat pozitive në biznes, dhe zotohemi për investime të reja në vitin  2015, oferta të reja inovative të kombinuara me performancë të ngritur të biznesit, me fokus primar tek përdoruesit tanë ekzistues dhe ata të rinj” ka thënë Robert Erzin, drejtor ekzekutiv në kompaninë IPKO.

Rezultatet pozitive të biznesit IPKO-së ishin të shtyra nga ofertat dhe produktet  unike të kompanisë të mundësuara nga teknologjitë e fundit në telefoninë mobile. Zhvillimet kyçe të kompanisë gjatë vitit të kaluar në segmentin mobil përfshijnë lansimin e rrjetit të parë dhe të vetëm 4G LTE në Kosovë, ofertat ekskluzive të Apple iPhone 6 dhe iPhone 6 Plus, 30 modele të telefonave të mençur mobil nga prodhuesit global, planet e reja tarifore me kosto të ulët me minuta kombëtare dhe SMS, telefonat me pako të përshtatura për fëmijët, oferta me 1 cent për thirrje, SMS dhe megabajt, dhe pakot e internetit në mobil për Kosovën dhe Shqipërinë.

Gjatë gjithë vitit 2014 dhe në tremujorin e katërt të vitit të kaluar, IPKO ka zgjeruar produktet dhe shërbimet e e saj në më shumë se 100 fshatra të reja në tërë Kosovën, duke arritur dhjetëra mijëra përdorues të rinj të internetit dhe TV digjital.

Si pjesëmarrës i rëndësishëm në komunitetin lokal, vitin e kaluar IPKO ka inicuar një projekt të përgjegjësisë sociale të korporatës për mbështetjen e shkollave dhe fëmijëve në zonat rurale, nga i cili kanë përfituar 30 shkolla fillore publike, të cilat janë rinovuar dhe pasuruar me mjete të reja të mësimit, dhe mijëra nxënës kanë përfituar nga mjetet e reja të të mësuarit dhe nga ambienti më i mirë në shkollat e tyre.

The post IPKO PREZANTON REZULTATET FINANCIARE PËR TM4 DHE ARRITJET KRYESORE TË VITIT 2014 appeared first on Ipko.

Minutat, SMS-të dhe megabajtët e dhënë si shpërblim për secilin nga përdoruesit e saj të rinj, IPKO do t’i ndajë me nga 200 prej secilës njësi për çdo muaj dhe për pesë muaj rresht.

Robert Erzin, drejtor ekzekutiv në IPKO ka thënë “Ne synojmë që t’i shpërblejmë të gjithë konsumatorët tanë prej ditës së tyre të parë me IPKO. Dhe shpërblimet tona nuk do të jenë vetëm për pesë muajt e parë rresht, sepse më pas përdoruesit tanë vazhdojnë të shpërblehen për besnikërinë e tyre me programin PIKA dhe me shpërblime e befasi të tjera të shumta”.

Përdoruesit e rinj të telefonisë mobile IPKO do t’i marrin nga 200 minuta, 200 SMS dhe 200 megabajtët e parë menjëherë pas thirrjes së parë të realizuar nga numri i ri, ndërsa 800 minutat, SMS-të dhe megabajtët  e tjerë të mbetur merren për çdo muaj me rimbushjen minimale prej 1 euro.

Minutat, SMS-të dhe megabajtët që nuk shpenzohen gjatë muajit të parë do të transferohen në muajt në vijim.

Oferta më e re vjen me tarifën “Fol me Ton” që është e aktivizuar automatikisht dhe çmimi për minutë është 9 centë për thirrjet drejt IPKO, Vala dhe operatorit virtual.

IPKO njihet si operatori i parë mobil, sa i përket çmimeve të volitshme, kualitetit të shërbimeve, stabilitetit dhe mbulueshmërisë së rrjetit të telefonisë mobile në Kosovë, ndërsa mbetet operatori i parë me rrjetin 3G, dhe operatori i vetëm që e ofron rrjetin 4G në Kosovë.

The post IPKO SHPËRBLEN KONSUMATORËT E RINJ ME NGA 1000 MINUTA, 1000 SMS DHE 1000MB, FALAS appeared first on Ipko.

IPKO ka njoftuar se prej sot do të fillojë me ofrimin e shërbimit të ri dhe modern – CatchUP TV, me të cilin edhe njëherë do ta rikonfirmojë pozicionin e saj si ofruesi më i madh dhe më inovativ i televizionit kabllor digjital në Kosovë. CatchUp TV do të ofrohet falas për të gjithë përdoruesit e saj.

Catch Up TV ua mundëson përdoruesve të televizionit kabllor digjital të IPKO-së t’i shikojnë programet e tyre preferuara edhe brenda 48 orëve pasi ato të kenë përfunduar, pa pasur nevojë t’i incizonjnë ato.

“Ne besojmë se përdoruesit tanë duhet ta kenë lirinë që ta zgjedhin kohën dhe përmbajtjen që ata duan ta shohin në televizion. Dhe pikërisht, CatchUp TV do tu jap atyre lirinë e plotë në përzgjedhjen e përmbajtjes që ata duan ta shohin në televizion, pa marrë parasysh kohën kur një ngjarje e rëndësishme televizive transmetohet”.

“Prandaj jemi shumë të lumtur që kemi arritur që përdoruesve tanë tu ofrojmë edhe një inovacion që ua bën jetën e tyre më të lehtë” ka thënë Robert Erzin, drejtor ekzekutiv në kompaninë IPKO.

CatchUp TV ofrohet në resiverin e ri SmartBox të lidhur me internet përmes mënysë “Catch up TV”,  ku janë të listuara të gjitha kanalet që ofrojnë këtë shërbim, e brenda kanalit listohen të gjitha programet e regjistruara. Përmes guidës (EPG) përdoruesit mund të navigojnë në të majtë, dhe të zgjedhin shikimin e programit që ka përfunduar. SmartBox duhet të jetë i lidhur në internet.

Lista e kanaleve televizive nga të cilat përmbajtja mund të kthehet 48 orë prapa: TV21, Klan Kosova, Top Channel, TV Klan, Alsat M, Hits, Aksion, T Plus, Explorer Shkence dhe Explorer Nature.

The post IPKO E PASURON TELEVIZIONIN KABLLOR DIGJITAL EDHE ME SHËRBIMIN CATCHUP TV appeared first on Ipko.