IPKO organizoi Konferencën e 4-të për Sigurinë Kibernetike, më 7 tetor 2026 në Klan Arena, në Prishtinë, duke bashkuar mbi 400 pjesëmarrës nga industria e telekomunikacionit dhe teknologjisë, ekspertë të sigurisë kibernetike, përfaqësues të institucioneve dhe bizneseve, si dhe kompani të njohura ndërkombëtare.
Risitë kryesore të këtij edicioni ishin demonstrimet e drejtpërdrejta të sigurisë kibernetike dhe masterclass-et e specializuara mbi sigurinë në epokën e inteligjencës artificiale (AI). Përmes demonstrimeve praktike nga Kosova Cyber Team, pjesëmarrësit patën mundësi të shihnin nga afër rreziqet kibernetike, mënyrën e identifikimit të tyre dhe qasjet për mbrojtje. Ndërsa masterclass-et sollën njohuri dhe zgjidhje konkrete për sigurinë e aplikacioneve dhe sistemeve të bazuara në inteligjencën artificiale.
Në bashkëpunim me partnerët ndërkombëtarë Fortinet dhe Cisco, u mbajtën dy masterclass-e të specializuara: “Security in AI Era with FortiAI – Protect, Assist and SecureAI”, nga Fortinet, dhe “Cisco AI Defense: Security for AI Applications & Agents”, nga Cisco. Këto sesione trajtuan sfidat e reja të sigurisë që sjell zhvillimi i AI-së dhe qasjet për mbrojtjen e aplikacioneve, sistemeve dhe agjentëve të inteligjencës artificiale.
Konferenca u zhvillua si një platformë për diskutimin e zhvillimeve, sfidave dhe prioriteteve që po formësojnë të ardhmen e sigurisë kibernetike në rajon. Programi përfshiu prezantime strategjike dhe teknike, dy diskutime në panel, masterclass-e të specializuara, demonstrime praktike, si dhe një Ekspozitë të Sigurisë Kibernetike me partnerë ndërkombëtarë.
Konferenca u hap me fjalën e Drejtorit Ekzekutiv të IPKO-s, András Pali, e ndjekur nga prezantimi “The Hidden Exposure in Kosovo: A Cross-Industry Cyber Security Challenge from Leak to Breach”, i mbajtur nga Faton Kurteshi, udhëheqës i Njësisë për Zgjidhje Teknologjike dhe Cilësi të Shërbimit në IPKO, dhe Kastriot Fetahaj, trajner i Kosovo Cyber Team dhe inxhinier i softuerit dhe sigurisë kibernetike në Daily Wire.
Pjesa qendrore e konferencës ishte paneli strategjik “Zhvillimi i sigurisë kibernetike në rajon”, i cili bëri bashkë drejtues ekzekutivë të operatorëve të telekomunikacionit nga Kosova dhe rajoni për një diskutim të nivelit të lartë mbi sfidat e sigurisë kibernetike, investimet dhe prioritetet strategjike, si dhe rolin e sektorit të telekomunikacionit në forcimin e qëndrueshmërisë digjitale.
Në panel morën pjesë:
Paneli u moderua nga Valon Canhasi, duke mundësuar një diskutim të balancuar dhe të thelluar mbi ndikimin ekonomik, institucional dhe strategjik të investimeve në sigurinë digjitale.
Programi vijoi me prezantimet e partnerëve ndërkombëtarë. Attila Pester, Drejtor i Shitjeve për Klientët Strategjikë në Nagra, dhe Paul Palmer, Drejtor i Zhvillimit të Biznesit në Utopia, ndanë përvoja dhe zgjidhje konkrete për mbrojtjen ndaj kërcënimeve moderne.
Paneli i dytë, “Rëndësia e linjës së parë të mbrojtjes – Siguria e DNS-it”, u fokusua në aspektin teknik të mbrojtjes së rrjeteve dhe rolin e DNS-it si pikë kyçe në parandalimin e sulmeve kibernetike.
Në këtë panel diskutuan:
Paralelisht, Ekspozita e Sigurisë Kibernetike mblodhi kompani dhe partnerë si Whalebone, Utopia, Fortinet, Strix, Cisco, Nagra, DEFCON dhe Netskope. Demonstrimet e drejtpërdrejta nga Kosova Cyber Team u mundësuan pjesëmarrësve të njiheshin nga afër me rreziqet kibernetike dhe qasjet për mbrojtjen ndaj tyre. Ndërkohë, sesionet e networking-ut krijuan hapësira për shkëmbim përvojash, ndërtim partneritetesh dhe bashkëpunim profesional.
Me edicionin e katërt, IPKO e forcoi më tej rolin e saj si nismëtare e dialogut për sigurinë kibernetike në Kosovë dhe rajon, duke kontribuar në rritjen e vetëdijes, bashkëpunimit dhe kapaciteteve përballë kërcënimeve kibernetike.
Si eshte eksperienca ne webin e IPKO’s?
Ju lutem kurseni pak minuta për të ndarë eksperiencën tuaj në lidhje me ueb faqen tonë.
