Me rastin e 1 Qershorit, Ditës Ndërkombëtare të Fëmijëve, së bashku me partnerin tonë KB Trepça, kemi organizuar një festë për fëmijët e shkollës “Musa Hoti” në Frashër të Madh, në Mitrovicë, tek lagjja që është ndërtuar nga z. Halil Kastrati.
1 Qershori është një ditë e veçantë për fëmijët anembanë botës , një ditë për të festuar gëzimin, pafajësinë dhe ëndrrat e tyre. Kjo ditë na kujton se çdo fëmijë meriton të jetë i lumtur, të ndihet i sigurt dhe i dashur.
Me këtë në mendje, ne vendosëm të organizojmë këtë festë të paharrueshme për 122 nxënësit e ciklit të ulët. Aktiviteti përfshiu shpërndarjen e shumë dhuratave dhe mbajtjen e lojërave argëtuese të ndryshme, duke krijuar një atmosferë të paharrueshme dhe plot gëzim për të gjithë.
Kjo ngjarje, e organizuar për herë të parë në këtë shkollë, është më shumë se një festë. Është një shenjë e dashurisë dhe kujdesit tonë. Ne jemi të përkushtuar të vazhdojmë mbështetjen tonë për të sjellë gëzim dhe shpresë në jetët e fëmijëve.
