Me rastin e 1 Qershorit, Ditës Ndërkombëtare të Fëmijëve ‍, IPKO ka organizuar aktivitet në Klinikën Hemato-Onkologjike të Pediatrisë, ku janë shpërndarë dhurata dhe janë mbajtur lojëra argëtuese për fëmijët e shtrirë në këtë klinikë.

Në Ditën Ndërkombëtare të Kancerit, IPKO shënoi këtë datë duke i dhuruar Qendrës Kryesore për mjekësi familjare(QKMF) në komunën e Fushë Kosovës, një sistem të sofistikuar të ultrazërit “Versana Essential Advanced Version” me dy sonda – atë konvekse dhe lineare nga prodhuesi General Electric Healthcare, i cili mund të parandaloj dhe zbuloj kancerin në fazat e hershme dhe i cili mund të jetë jetik në shpëtimin e jetës.

Tashmë ka përfunduar shpërndarja e të gjitha pajisjeve mjekësore në gjithsej 20 (njëzet) njësi të pediatrisë, nëpër Qendrat Kryesore të Mjekësisë Familjare.

Mësuesit zgjedhin, IPKO mbështet është një nismë unike bamirësie që e bën të lehtë për IPKO-n dhe komunitetin vendor që të ndihmojnë shkollat fillore, çerdhet dhe nxënësit në nevojë në zonat rurale. Ky projekt synon të mundësojë një mjedis më të mirë shkollor për nxënësit në zonat rurale në mbarë Kosovën.