IPKO është krenare që është Partner për Inovacion me BONEVET, një hapësirë që frymëzon, edukon dhe fuqizon të rinjtë me njohuri për teknologjinë dhe të ardhmen. Ky bashkëpunim përfaqëson përkushtimin tonë për të investuar në dijen, kreativitetin dhe zhvillimin digjital të gjeneratës së re në Kosovë.
Duke mbështetur punëtori, klasa dhe ngjarje si, Siguria në Internet dhe Njohuritë Mediatike, AI-Thon dhe MakersWeek, po ndihmojmë të rinjtë të zhvillojnë aftësi në siguri kibernetike, kodim, inteligjencë artificiale dhe mendim kritik ndaj medias. Vetëm në punëtoritë e para për sigurinë digjitale, 80 të rinj nga mosha 15–18 vjeç po mësojnë si të mbrohen online dhe si të përdorin mediat në mënyrë të përgjegjshme.
Partneriteti IPKO- BONEVET do të zgjerohet me programe të reja në robotikë, kodim dhe inteligjencë artificiale. Këto nisma do të shërbejnë si platforma që frymëzojnë të rinjtë të krijojnë zgjidhje reale përmes teknologjisë, duke përforcuar misionin e IPKO-s për të qenë promotor i transformimit digjital, edukimit të qëndrueshëm dhe inovacionit social në Kosovë.
