Në kuadër të festimeve për 1 Qershorin, IPKO organizoi një aktivitet të veçantë në Klinikën e Pediatrisë, repartin e Hemato-Onkologjisë në Qendrën Klinike Universitare të Kosovës, për të sjellë gëzim dhe buzëqeshje tek fëmijët që përballen me sfida të mëdha shëndetësore.
Aktiviteti përfshiu dhurata simbolike, ngrohtësi njerëzore dhe një atmosferë të mbushur me dashuri, duke krijuar çaste që do të mbeten gjatë në zemrat e fëmijëve.
Momente të veçanta u bënë edhe më të paharrueshme nga praninë e këngëtarit Ledri Vula, i cili ndau kohë, përqafime dhe buzëqeshje me fëmijët, duke i bërë ata të ndihen të veçantë dhe të harronin për pak çaste vështirësitë që po kalojnë.
IPKO mbetet e përkushtuar për të qëndruar pranë fëmijëve dhe familjeve të tyre, duke kontribuar në përmirësimin e mirëqenies dhe shpërndarjen e gëzimit në komunitet.
