Në kuadër të Tetorit Rozë, IPKO organizoi një ligjëratë informuese për stafin e saj, me fokus në shëndetin e gruas, rëndësinë e parandalimit dhe promovimin e mirëqenies fizike dhe emocionale.

Gjatë ligjëratës, Dr. Egzona Bytyqi, onkologe, Fatime Rrahmani, psikologe klinike, dhe Vala Pupovci, nutricioniste, ndanë ekspertizën dhe këshillat e tyre mbi kontrollet e rregullta mjekësore, diagnostikimin e hershëm, ushqyerjen e shëndetshme dhe kujdesin për shëndetin psikologjik.

Përmes kësaj nisme, IPKO riafirmon përkushtimin e saj ndaj mirëqenies së punonjësve dhe promovimit të një kulture të kujdesit për shëndetin, duke theksuar rëndësinë e informimit dhe parandalimit për një jetë më të shëndetshme.