IPKO ka mbështetur organizatën Action for Health në nisjen e një programi të ri të
dedikuar për fëmijët që kanë përjetuar kancer në fëmijëri dhe janë trajtuar në Klinikën
Hemato-Onkologjike në Pediatri.
Në bashkëpunim me BONEVET, ky program u ofron këtyre fëmijëve mundësinë të zhvillojnë
talentet e tyre përmes kurseve kreative dhe edukative, duke hapur dyer për një të ardhme plot
shpresë dhe mundësi.
Shtatori, muaji i ndërgjegjësimit për kancerin te fëmijët, është një thirrje për të qëndruar të
bashkuar në këtë iniciativë të rëndësishme. Secili hap i ndërmarrë së bashku sjell më afër një të
ardhme më të ndritur për këta fëmijë.
IPKO mbetet e përkushtuar për të mbështetur shpresën dhe mundësitë që çdo fëmijë meriton!