IPKO ka vazhduar të mbështesë arsimin në tri institucione arsimore në Kosovë duke ofruar mjetet shkollore të nevojshme për të pasuruar përvojën mësimore të nxënësve. Kjo iniciativë përfshin një tabelë interaktive RICOH A7500 për Qendrën Social-Edukative Don Bosko në Prishtinë, që do të lehtësojë mësimet ndërvepruese. Për shkollën fillore Gj. K. Skënderbeu në Pantinë, janë dhuruar 4 televizorë LED, 1 laptop dhe 1 printer për të përmirësuar mjedisin arsimor. Po ashtu, janë dhuruar materiale laboratorike për shkollën fillore “Gjon Serreci” në Ferizaj, që do të nxisin mësimin praktik në shkencat natyrore. Këto donacione janë pjesë e strategjisë së IPKO-së për të investuar në arsimin dhe zhvillimin e të rinjve në Kosovë.
