Prishtinë, 13 qershor 2012 – Për më pak se një muaj, Hej! Pse po pret? ka lënë gjurmë në mesin e të rinjëve kosovar, të cilët kanë krijuar komunitetin e miqve që përdorin platformën e njëjtë për komunikim dhe argëtim të plotë.

Si komunitet i vetëm i dedikuar për të rinjtë kosovarë, marka Hej! Pse po pret? është duke prodhuar rezultatet e para, duke rritur bazën e përdoruesve dhe trafikun mobil të telefonisë mobile IPKO.

Krahasuar me të njëjtën periudhë të muajit të kaluar, 37% më shumë konsumatorë të rinj i janë bashkuar telefonisë IPKO, dhe kjo rritje e konsiderueshme është shënuar fillimisht nga anëtarët e rinj të komunitetit Hej!, të cilët po e përdorin platformën e tyre për komunikim dhe argëtim të plotë, siç vërehet edhe nga shifrat.

Për më pak se 30 ditë, brenda komunitetit Hej! janë shpenzuar më shumë se 1.6 milionë minuta, 1 milion SMS dhe 40.000 MMS.

Anëtarët e Hej! gjithashtu kanë kontribuar me 37 për qind rritje në përdorimin e internetit në mobil, duke shfletuar faqet e tyre të preferuara të internetit, si Facebook, hej.ipko.com dhe faqet tjera me interes për ata.

“Hej! është menduar të jetë një platformë unike për të rinjtë kosovar. Dhe tani, shifrat tregojnë se të gjithë anëtarët e Hej! janë duke shijuar përvojën që ky komunitet po ua ofron. Hej! do të vazhdojë të sjellë komunikimin dhe argëtimin më të mirë, në një vend të vetëm “, tha Robert Erzin, drejtor ekzekutiv në IPKO.

Përveç komunikimit të plotë të cilët të rinjtë e kanë mes vete, të gjithë anëtarët e komunitetit Hej! gjithashtu janë duke u argëtuar në portalin Hej! përmes aplikacioneve për Facebook, duke ndjekur ngjarjet më interesante në ambiente të hapura, duke fituar “kokrra”, si dhe duke fituar shpërblime të vlefshme për aktivitetin e tyre online.