Kosova Cyber Team është nisma kombëtare që zhvillon talentet e reja të Kosovës në sigurinë kibernetike dhe i përgatit për European Cyber Security Challenge (ECSC), përmes fazave kualifikuese, trajnimeve praktike dhe punëtorive me profesionistë të fushës.

Ekipi përfaqëson Kosovën në ECSC 2026, nga 12 deri më 16 tetor në Bochum të Gjermanisë, përballë ekipeve nga më shumë se 35 vende evropiane.

Si Sponsor Gjeneral dhe operator që investon vazhdimisht në sigurinë e rrjeteve të veta, IPKO e sheh zhvillimin e talenteve kibernetike si pjesë të përgjegjësisë ndaj komunitetit dhe ekonomisë digjitale.