IPKO ka organizuar fushatën vjetore “Së bashku kundër kancerit të gjirit” gjatë muajit tetor, duke promovuar kujdesin e hershëm dhe rëndësinë e shëndetit të grave. Gjatë kësaj fushate, qytetarët patën mundësinë të marrin këshilla falas nga mjekë specialistë të fushave të gjinekologjisë, onkologjisë, radiologjisë, patologjisë dhe nutricionizmit.

Ata gjithashtu dëgjuan rrëfime frymëzuese nga gratë e organizatës “Hope”, të cilat kanë përballuar me guxim këtë sëmundje. Punonjësit e IPKO-s morën pjesë në një ligjëratë të brendshme që trajtoi kujdesin shëndetësor, ushqimin e shëndetshëm dhe mirëqenien emocionale. Si vazhdimësi e kësaj nisme, janë publikuar edhe podcaste të dedikuara për këtë temë, me pjesëmarrjen e ekspertëve dhe personave frymëzues që kanë tejkaluar këtë sfidë jetësore.

Përmes kësaj fushate, IPKO riafirmon përkushtimin e saj për të ndërtuar një shoqëri më të shëndetshme, më të informuar dhe më të ndërgjegjshme, sepse kujdesi i hershëm shpëton jetë.