Kosova Cyber Team 2026 po përgatitet të përfaqësojë Kosovën në European Cyber Security Challenge (ECSC) 2026, që do të mbahet më 12–16 tetor në Bochum, Gjermani.

Ekipi u përzgjodh përmes Kampionatit të parë Shtetëror të Sigurisë Kibernetike të Kosovës, me mbi 100 aplikantë dhe 25 finalistë, ndërsa përgatitet për garën ndërkombëtare përmes trajnimeve praktike në fusha të ndryshme të sigurisë kibernetike.

Si Sponsor Gjeneral i Kosova Cyber Team 2026, IPKO mbështet zhvillimin e talenteve të reja, inovacionin dhe fuqizimin e kapaciteteve vendore në sigurinë kibernetike, duke kontribuar në përgatitjen e gjeneratës së ardhshme të ekspertëve të teknologjisë në Kosovë.