049/700 700
Rrjetet mobile dhe fikse të kompanisë IPKO kanë qenë të pandërprera dhe shumë stabile, gjatë tërë festave të fundvitit.
Prishtinë, 05 janar 2012 – Edhe këtë vit, konsumatorët e kompanisë telekomunikuese IPKO kanë përdorur të gjitha shërbimet e rrjetit mobil dhe fiks gjatë gjithë festave të fundvitit, pa pengesa, edhe përkundër shkallës së lartë të përdorimit të të gjitha shërbimeve.
Në ditët e fund të ndërrimit të viteve, IPKO ka dërguar mbi 5 milionë SMS, suksesi i dërgimit të së cilëve ka një mesatare prej 98 për qind, ndërsa rrjeti mobil i telefonisë mobile IPKO si dhe rimbushjet e llogarive të konsumatorëve kanë qenë 100 për qind efikase.
Në anën tjetër, në tri ditët e ndërrimit të viteve, konsumatorët e telefonisë mobile IPKO kanë shpenzuar afro 3 milionë minuta për të komunikuar me të gjithë të afërmit e tyre.
Për më shumë, edhe shërbimi i televizionit kabllor digjital dhe internetit, ka pasur një performancë të rrjetit prej 99.9 për qind, ndërsa gjatë netëve të Vitit të Ri 2012, shërbimi nuk i është ndërprerë parapaguesve asnjëherë, edhe në rast se abonimi i tyre ka skaduar brenda ditëve festive.
“Edhe një herë më shumë, performanca e rrjetit mobil dhe fiks të IPKO’s është dëshmuar se është e kualitetit më të lartë, shumë stabile dhe e pandërprerë edhe në orët kur trafiku është shumë i lartë. Këtë vit ne do të investojmë edhe më shumë që t’i avancojmë të gjitha shërbimet tona për konsumatorët” ka thënë Robert Erzin, drejtor ekzekutiv i kompanisë IPKO.
Kompania telekomunikuese IPKO ka ndërtuar rrjetin i cili mbulon me sinjal të telefonisë mobile 99.7 për qind të popullsisë në Kosovë, përkatësisht 98.5 për qind të territorit, duke u bërë kështu transmetuesi me shtrirje më të madhe të sinjalit të telefonisë mobile në Kosovë.
